Jungle Bonfire Party – Sachi horror Kahani Hindi

True means Sachi in Hindi, This Sachi horror Kahani Hindi / Urdu is thrilling and soul shaking at the same time.

Hamaree university kee bonfire yani kay jungle mein aik picnic thee, Mein bohat khush thaa or us se pichli raat excitement kee waja se mujhay neend naa asakee,

Aglee subah ham saray dost university bus mein pohanch gaye, or khoob halla gulla karne or nachnay gaanay kay baad jungle mein pohanch gaye,

Yeh meri zindagi kee pehli bonfire party thee jis mein mujhay pura din or raat Jungle mein guzarna thaa,

Hamari class mein 36 students thay or us din ittifaq se saray students us party mein aye thay,

Dopeher 3 baje kay qareeb, Ham sab ne us ghanay or khoobusrat jungle mein pohanche chuke thay,

Ham nay darakhton se phal tauray or khoob mazay lai kar khaye, or kuch laug janwarun kaa shikar karne lagay,

Phir ham nay bohat saray mazay mazay kay games khelna shuru kiye, sardiyoun kee waja se 6 baj tay hee andhera chaanay laga,

Andhera chatay hee ham nay aag jalaye or camps lagane shuru kiye, ham apnay saath zindah murgiyan bhee laye thay takay shikar naa lagne kee surat mein unhain zibah kar kay un ka BBQ kar sakain,

Ham nay aag jalane kee ibtida kee takay dinner 8 baje tak kar sakain,

Sab mil jul kar kam karne lagay, koi murgiyan zibah karne laga, koi un par masala laga rahaa thaa tau koi lakriyan jama kar raha thaa,

Bohat pur lutf or pur raunaq samaa thaa, aik group Guitar or bansuri baja kar mahool ka lutf dobala kar raha thaa,

Phir jab aag roshan hogayi tau ham nay khana pakana shuru kar dia,

Mujhay lakriyan dhoondne kaa kaam mila thaa iss iiye mein mahool ko enjoy karte karte lakriyan bee dhoond dhoond kar laa raha thaa,

Jungle mein ab mukammal taur par andhera chaa chuka thaa, sab ne ahtiyatan torches bhee saath lee huwee theen,

Charun taraf se janwarun kee ajoob o ghareeb awazain or bina chaand kaa asman aik dilkash or daraona manzar pesh kar raha thaa,

Aag ki shuain jese hee kam hotee theen dil ki dharkan taiz hojati thee,

Aik lakree uthate uthate mera paon kisi cheeez mein uljha or mein daharm se kisi gehre khaday mein jaa giraa,

Mujhe paon or sar par bohat shaded chotain ayi theen,

Mere osan puri tarah khata hogaye thay, mein samjh hee nahee parahaa thaa kay mere saath huwa kia hai or mein kahan gira hon,

Dard kee shidat bohat ziada thee or meri ankhon mein us waja se aanso thay, mere labun par kalma or Durood sharif ka wird musalsal jari thaa,

Mein ne kuch dair baad thori himmat kee or us andheray mein hath pair chalana shuru kiye takay koi cheez hath mein ajaye or mein uper ki taraf ja sakun,

Lekin har koshish bekar, mujhay charun taraf se ajeeb ajeeb janwarun kee awazain aarahee theen,

3, 4 dafa mere paon se koi rengta huwa janwar bhee takraya lekin mene usay koi nuksan pohancahye baghair apna pair sirf utha lia or usay janay ka rasaa dai diya karta thaa,

Mujhay saans lene mein bohat mushkilat ho rahee theen, mein Allah se apnay kiye huwe gunahon kee lagataar muafi mang raha thaa,

Mein aise haar maan ne wala nahi thaa mene zor zor se chillana shuru kar dia kay shayad jo saathi uper maujood hain Woh meri awaz sun kar meri madad kar sakain, Lekin sab bekar thaa,

Mujhay kuch bhee nazar nahi araha thaa yahan tak kay mein apnay khud kay hath pair bhee nahi daikh paa rahaa thaa,

Or yahee andhera ghup meri dil ki dharkan itni taiz kar chuka thaa kay shayad mera dil kisi bhee waqt phat sakta thaa,

Mene Allah ka nam lai kar chalne kee koshish kee takay kaheen se koi roshni nazar aye or mujhay phir se upar janay kaa rastaa mil sakay,

Mene apna pura zor laga kar or hath se rastay ka andaza laga kar chalna shuru kia,

Mujhay bohat zor laganay or hath se kantay or pathar hata hata kar chand qadam chalne ka muaqa mil raha thaa,

Andhere kee waja se mere hath or paon kantun or pathrun se lahu lahan hotay jaa rahay thay,

Shadid piyas ki waja se mein apna khud ka paseena baar baar peenay par majboor hogaya thaa,

Chaltay chalettay achanak mene kis moti chamri walay janwar par apna pair rakh dia,

Us janwar nay aik khuafnak cheekh buland kee jis se meri rooh kaanp gayi or khauf kay maray meri pishab nikal gayi,

Mujhay apni maut bilkul ghareeb mehsoos ho rahee thee jab mujhay iss baat ka anzada huwa kay Woh koi mota taza saanp hai,

Woh mere jisam par puri tarah lipat gaya, Woh mujhay das bhee raha thaa or zor se meri garden bhee maror raha thaa,

Mene apnay hathun or dantun se usay hatanay kee be jaan taur koshish kee lekin shayad Woh koi bohat bara cobra thaa kuon kay andhere mein muje us ki shakal nazar nahi thee albataa us ki taqat or chamri se mujhay andaza hogaya tha kay Woh koi chota mota saanp nahi hai,

Meri akhri akhri sansain theen or ankhon kay samne andhera chaa raha thaa, is liye mene khud ko churwane kee bajaye Kalma or Ayatul kursi kaa wird shuru kar dia,

Mene jese hee Allah ka zikar shuru kia saanp ki grift dheeli parti gayi or achanak se meri garden par aik hath aaya or us taqatwar hath ne mujhay uper ki taraf khincha or phir mein behosh hogaya,

Pata nahi mujhay kitni dair bad hosh aya lekin jab mujhay hosh aya tau mein apnay room mein apni palang par maujood tha,

Mere sar mein meri walda shafqat bharay andaz mein hath pher rahee theen, or samnay koi maulvi sahab bethay thay,

Mene jese hee ankhain kholin ammi or qari sahab zor zor se cheekh kar sab ko bulanay laga kay Mohsin ko hosh agaya hai,

Jese hee unhon ne awaz lagayi mere walid sahab bari sister or university kay saray dost mere room mein dauray chalay aye,

Sab kee ankhon mein aansoo thay, sab mujh se galay lag kar zaro Qatar roo rahay thay, jis se meri ankhon mein bhee motay motay anso agaye,

Mujhay kuch bhee samjh nahi arahee thee kay kia huwa hai mere sath,

Mein sab se puch raha thaa lekin koi batane kay liye tayyar hee nahee thaaa,

Phir akhir kar walid sahab ne sab ko khamosh karwaya or batane shuru kia,

“Tum Lakriyan dhoondte dhoondte beshosh hogaye thay, jis se tumhari university kay laug bohat ziada dar gaye thay,”

“tumhain tumhari university kay doston nay wahan se uthane ki bohat koshish kee lekin jo bhee tumhare pas ata tum usay marne or katne kee koshish kee”

“Tumhara jism itna bhari hogaya thaa kay puray 35 student 4 taqatwar guards bhee tumhain utha kar camp mein na lasakay,”

“University staff ne hamain, Police or ambulance bhee bulayi lekin Woh laug bhee tumhain na utha sakay”

“Yahan tak kay mein or tumhari mom bhee tumhare qareeb atay tau tum ham par hamlaa kar daite”

“Ye daikh kar mein samjh gaya kay zaror koi rohani mamla hai, iss liye mein Qari sahab ko yahan bula laya”,

“Qari sahab ne wahan 4 ghante Allah ka kalam or wazayef parhne kay baad tumhain us jaga se churwa lia”

“Or Allah kay qalam ki taqat se hamain bataya kay jis jaga tum lakriyan dhoondne gaye thay wahan kisi bad bakht ne beth kar kalay ilm ki parhayi kee thee or is ganday ilm ki parhayi gandee hadiyan or taweezat waheen chor diye thay jis par tumhara pair lag gaya or tum aik jan lewa bhanwar mein phas gaye”,

“Tum puray 3 din or 3 ratun se behosh ho, Tumhare saath joo joo horaha thaa qari sahab ko Woh sab yahan nazar araha thaa”

“Allah ne Qari sahab ko zarya bana kar tumhain aik nayi zindagi ataa kee hai”

Mein ye sab sunne kay baad Qari sahab kay galay lag kar zar o Qatar ronay laga.

——————————-THE END——————————–

True means Sachi in Hindi, This Sachi horror Kahani Hindi / Urdu is thrilling and soul shaking at the same time.

We have many readers for short real life ghost stories in hindi on our blog so we wrote this short story to entertain this hindi horror story to entertain our hindi readers.

This is not normal or conventional like ghost stories hindi but this story is unique and has many twists which will certainly blow your mind.

Many people had gone through and we often real life ghost experiences in hindi but this hindi story is little different and has an amazing climax which you would really like.

This Horror Story Hindi in Urdu Font revolves around the boy who faces unusual feelings ina forest while having a party with his university friends.

For more sachi kahaniyan horror and Urdu horror Kahaniyan keep connected with us. How was our this Sachi horror Kahani, let us know in comment box below.

 

Comments

comments